Pak orë para nisjes së mbledhjes së Asamblesë Kombëtare të PS-së, në media qarkulloi lajmi për shkarkimin e Delina Ibrahimajt nga posti i ministres së Financave.
Ndërkohë që vetë Delina Ibrahimaj ka mohuar që të ketë dhënë dorëheqjen apo të jetë shkarkuar.
“Jo nuk kam dhënë dorëheqjen dhe as jam shkarkuar. Janë thashetheme vere”, u shpreh Ibrahimaj, pak para nisjes së mbledhjes së Asamblesë.
Ndërkohë Kryeministri i pyetur nga mediat ka mohuar marrjen e një vendimi shkarkimi. “Jo” është përgjigjur prerë Rama pyetjes sepse e shkarkoi ministren e Financave.
Tashmë mbetet për tu parë nëse ka ose jo një vendim për Delina Ibrahimajn, pasi referuar burimeve, pothuajse të gjitha mediat, përfshi edhe ato të pozicionuara në krah të Qeverisë njoftonin shkarkimin e ministres së Financave.
Discussion about this post