Revista italiane Internazionale ka publikuar një analizë të zgjeruar mbi praninë në rritje të mafias shqiptare në trafikun europian të kokainës, duke e lidhur atë me zhvillime politike brenda vendit, ndërsa Shqipëria vijon me ritëm të shpejtë negociatat për anëtarësim në Bashkimin Europian.
Në materialin e përgatitur theksohet se Europa po përballet me sasi rekord të kokainës, dhe pjesë të rëndësishme të këtij trafiku menaxhohen nga rrjete të krimit të organizuar shqiptar.
Këto grupe, sipas raportimit, janë fuqizuar ndjeshëm gjatë dekadës së fundit, duke krijuar lidhje të drejtpërdrejta me kartelet kolumbiane dhe meksikane dhe duke operuar në shumë prej porteve kryesore të kontinentit.
Europa Settegiorni, programi i lajmeve i rrjetit Arte, i cili monitoron zhvillimet sociale në gjithë kontinentin, shpjegon se grupet shqiptare janë bërë më të dhunshme dhe më të centralizuara, ndërsa zotërojnë aftësi të larta logjistike dhe rrjete të gjera bashkëpunimi.
Një nga çështjet më “pikante” të ngritura si Internazionale, ashtu edhe nga dokumentari i Arte-s, lidhet me dyshimet se ndikimi i mafias shqiptare mund të ketë depërtuar deri në rrethin e njerëzve pranë kryeministrit Edi Rama.
Discussion about this post