Kreu i grupit parlamentar të Partisë Socialiste Taulant Balla është shprehur se do të jetë gjykata ajo që do të dalë në përfundimin nëse është apo jo ai, ‘Taulanti’ që figuron në përgjimet e prokurosisë duke komunikuar me persona të inkriminuar në Elbasani, pak pas masakrës së vitit 2016 që u regjistrua në këtë qytet, kur u vranë Agron Çapja, Enver Sinakoli, Eno Bedalli dhe plagosen 7 të tjerë.
Para mediave, Balla tha se këtë çështje do ta sqarojë gjykata dhe se sot ka depozituar kallëzimet përkatëse. Ai shtoi se numrin e tij të celularit e ka gjithë Shqipëria dhe se kjo gjë nuk është vërteton asgjë. Gjatë marrjes në pyetje, Balla u kap dhe me gazetarët.
Prononcimi i Ballës:
Këtë çështje do ta sqarojë gjykata ku unë kam firmosur sot padinë dhe kallëzimet përkatëse penale dhe unë kam besim që drejtësia kësaj çështjeje do ti shkojë në fund. Se kush ka përgjuar, se kë ka kërgjuar, se si është përgjur, se si kjo u kthye pas gjashtë vitesh për qëllime të konsumit politik, dhe në fakt le të lëmë drejtësinë të bëjë punën e vet. Numrin tim e ka gjithë Shqipëria dhe unë po ju them që ai numër të verifikohet në gjykatë, prisni.
Sa i përket rastit, të lutem! E di që të shkruan Çimi, por të lutem. Këtë gjë mund ta sqarojë vetëm gjykata dhe shpresoj që ti të njoftohesh meqë je televizion i të birit, të vini aty dhe të vijë edhe Saliu aty e ta sqarojmë këtë punë.
Prej javësh opozita akuzon kryetarin e grupit parlamentar të Partisë Socialiste, Taulant Balla se është i përfshirë në dosjen hetimore për vrasjen e avokatit Ravik Gurra. Akuza u bë publike pas deklarimit në gjykatë të Ardian Çapjas, i cili tha se vrasja e avokatit të tij, Ravik Gurra do të zbulonte implikimin e një politikani të rëndësishëm. Berisha dhe opozita e lidhin këtë deklaratë me Taulant Ballën.
Arsyeja lidhet me vrasjen e masakrën e 3 shkurtit 2016 në Elbasan, kur u vranë Agron Çapja, Enver Sinakoli, Eno Bedalli dhe plagosen 7 të tjerë. Masakra e Elbasanit hapi një dosje përgjimesh në të cilat u zbulua edhe një numër telefoni që u vu në përgjim dhe më pas gjykata e identifikoi si “Taulant” pa sqaruar nëse ishte ose jo Taulant Balla. Por përgjimet për numrin që i përkon kreut të grupit të PS, u fshinë nga gjykata dhe Berisha akuzon se prokurori që fshiu përgjimet u ngrit në detyrë.
Discussion about this post