Alfio konfirmon ndarjen nga Fatma: Jemi prej një viti të ndarë

Kohët e fundit përflitej se Alfio Rrotani dhe Fatma Methasani i kishin dhënë fund lidhjes së tyre.

Nëpërmjet një postimi në “Instastory”, Alfio konfirmoi ndarjen dhe se ka gati 1 viti që ata nuk janë bashkë.

Lexo edhe: Fatma Methasani dhe Alfio Rrotani janë ndarë! Arsyeja është tradhtia

Alfio ka hedhur poshtë pretendimet se shkaku i ndarjes së tyre ka qenë tradhtia e tij, ndërsa thotë se arsyet janë shumë personale dhe individuale.

“Të dashur familjar, shok dhe ndjekës. Ndjehem në detyrë dhe i obliguar moralisht të sqaroj disa lajme që kanë qarkulluar së fundmi për sa i përket jetës time personale. Unë dhe Fatma nuk jemi më së bashku nga pothuajse një vit, motivet janë shumë personale dhe individuale, nuk kanë të bëjnë absolutisht me tradhti ose rrethana të tjera që qarkullojnë në rrjet.

Dëshiroj që të kemi privatësinë tonë për të preservuar raportin tonë në harmoni dhe për të mirën e djalit të mrekullueshëm që kemi. Pasi këto publikime mund të ndikojnë jo vetëm në jetën time private edhe profesionale por edhe të rrethit tim dhe familjes sime. Unë po ju drejtohem me këtë kërkesë e lidhur ngushtë me mirëkuptimin tuaj që do të vlerësoja jashtë mase. Ju falënderoj nga zemra për kohën”, shkruan ai në Istagram.

Pak pas lajmit të ndarjes, Alfio i bëri një premtim publik të birit. Krahas fotos së ëmbël, Alfio i ka dedikuar disa fjalë të ndjera djalit, ku i premton se do t’i qëndrojë gjithmonë afër.

“Si babai yt të premtoj se do të jem gjithmonë në një nga tre vendet, para teje për të brohoritur, pas teje për të ruajtur shpinën, ose pranë teje për të mos qenë vetëm”, shkroi Alfio në postimin e tij.