Entomologu Shpend Shahini në një intervistë për Fax News ka qetësuar qytetarët e Tiranës, në lidhje me rrezikshmërinë që paraqesin karkalecat që kanë qenë prezentë në kryeqytet, veccanërisht në ditët e fundit.
Shahini tha se jemi përballë një situate që nuk ka nevojë për panik, pasi karkalecat nuk kanë asnjë rrezik për njerëzit, dhe dëmi që ata shkaktojnë në buqësi është i ulët.
“Jemi përballë një situate që nuk ka nevojë për panik, pasi kemi të bëjmë me një lloj karkaleci që e ka habitatin e tij në hapësirat urbane. Është një specie migratore, dhe nuk ka aftësi dëmtuese, jo vetëm për njerëzit, por edhe për bimët. Nuk janë pickues, dhe nuk rrezikojnë qytetarët”, tha Shahini, i cili u pyet nga gazetarja e Fax News Xhoana Çallaku dhe mbi kohën se kur pritet që këta insekte të largohen nga kryeqyteti.
Sipas entomolgut në raport me numrin e karkalecave që llogariten në Tiranë, nuk justifikohet përdorimi i pesticideve kimike për largimin e tyre.
“Këto ditë është momenti që ata vendosin vezët, dhe në ditët e para të muajit shtator, këto specie janë drejt ngordhjes. Nëse do të flasim në aspektin shkencor, nuk mund të ndërhyjmë me pesticide, në kohën kur numri i popullatës është i vogël, ka një kosto, dhe nuk justifikohet në këtë rast trajtimi kimik.
Jemi në kushte fare normale të popullatës, duke marrë parasysh kushtet klimaterike të këtij viti, për shkak të reshjeve të gjata që ka pasur në këtë pranverë”, tha më tej Shahini.
Discussion about this post