Arben Ahmetaj i ftuar në emisionin Opinion u pyet se a është ai “koka” e inceneratorëve.
Ahmetaj theksoi se nuk ka pasur aq fuqi në qeveri sa të vendosë për të tilla gjëra.
A je ti koka e inceneratorëve siç thonë kolegët e tu në PS?
Paskan thënë kolegët e mi?
Po, kështu thonë.
Ahmetaj: Ti flet me kolegët e mi dhe mua nuk ma thonë. Pse nuk e thonë në SPAK, i ftoj ta thonë në SPAK. Ti, si gazetar që je, duhet të shohësh letrat. Si ka mundësi të jesh ‘koka’ e inceneratorëve dhe të kesh fuqi të mbinatyrshme dhe të marr gjithë kolegët dhe ta bëj të gjithën këtë. Nuk kam qenë aq i fuqishëm që të vë në lëvizje gjithë qeverinë, bashkinë.
Duhet të isha Guru që të marr kryeministrin. Janë investime të domosdoshme në përputhje me vizionin e qeverisë. Si je ‘koka’ kur ke lënë letra që refuzojnë financimin? Tirana i takon privatit. Këto po i quaj provokime. Cilët kolegë janë?
Discussion about this post