Ditën e mërkurë Bayern Munich do të përballet me skuadrën e Dynamo Kiev për ndeshjen e dytë të fazës së grupeve të Champions League.
Duke folur në konferencë në prag të kësaj sfide, sulmuesi i bavarezëve Serge Gnarby u shpreh se në ndeshjet e fundit (përfshirë atë me Barcelonën) ata janë argëtuar.
“Tani jam mirë, sindroma e gripit është prapa meje. Ne jemi të fokusuar në ndeshjen e nesërme, jemi argëtuar në ndeshjet e fundit dhe ne duam të vazhdojmë kështu. Ne kemi një skuadër të madhe dhe konkurruese, kur ka kaq shumë ndeshje për të luajtur është mirë të kesh shumë lojtarë të mirë “.-tha ai.
Më tej duke folur për kundërshtarët e sfidës që do të luhet në orën 21:00 ditën e nesërme lojtari i kampionëve të Gjermanisë theksoi se qëllimi është të mbahet porta e pastër.
“Ne tashmë i njohim disa lojtarë, është një ekip i fortë. Ne duam të mbajmë një portë të pastër dhe të shënojmë shumë gola.”-vijoi më tej sulmuesi.
I pyetur më tej nëse e sheh skuadrën e tij si favoriten e këtij Champions-i, Gnarby nënvizoi se jo dhe se kjo është hera e parë që e dëgjon diçka të tillë.
“Jo, ne nuk e shohim kështu. Është hera e parë dëgjoj se ne jemi favoritët e mëdhenj për fitoren e Champions League. Sigurisht, fitorja me Barcelonën ishte e bukur dhe e rëndësishme, por ka ende një rrugë të gjatë për të shkuar “,-mbylli fjalën e tij titullari i Bayern Munich./K.T/Gijotina.com
