Gazment Bardhi, Sekretar i Përgjithshëm në PD-në zyrtare, është akuzuar nga mbështetësit e Lulzim Bashës në këtë parti, se bashkë me deputetët që kundërshtojnë zgjedhjet e 29 korrikut për zgjedhjen e kryetarit të ri, janë në shërbim të Sali Berishës.
Mbrëmjen e sotme në një intervistë për RTSH, Bardhi u shpreh se raportet e tij me Berishën nuk kanë ndryshuar. Bardhi tha se i takon z.Berisha që të japë shpjegime pse një vit më parë e quante të shitur, ndërsa sot e duatroket në Kuvend, sikundër ndodhi në seancën e fundit.
“Ju më pyesni mua për komentet që bën z.Berisha në raport me mua. Unë nuk e kam komenduar z.Berisha as kur më sulmonte dhe nuk kam se si ta komandoj tani që më duatroket, megjithëse më duhet të them se ai nuk më ka duatrokitur për atë se çfarë po bëj unë për zhvillimet në PD, por në raport me luftën politike ndaj Edi Ramës”, tha Bardhi.
Në vijim ai u shpreh se qëndrimet ndaj z.Berisha i ka bërë publike, duke shtuar se të njëjtën gjë po bën edhe tani në raport me zhvillimet e fundit, që nuk i shërbejnë PD-së dhe fuqizimit të saj.
“Unë po mundohem që të respektohen procedurat statutore, nuk kam asnjë interes personal, sepse pot ë kisha mund të kisha thënë që ky është procesi më demokratik etj etj. Por jo, unë po kërkoj zbatimin e statutit”, tha Bardhi.
Discussion about this post