Kreu i Partisë së Lirisë, Ilir Meta, i pyetur nëse është takuar ndonjëherë me ish zyrtarin e arrestuar të FBI-së, Charles McGonigal e ka mohuar një gjë të tillë. Ndërsa ka akuzuar kryeministrin Edi Rama se është përpjekur që “çështjen e non gratave ta kthejë në biznesin më të madh pas trafikut të drogës”.
Meta ndër të tjera në një konferencë me gazetarët u shpreh se në Tiranë, McGonigal ka takuar edhe persona problematikë me ligjin si dhe theksoi nevojën që drejtësia shqiptare duhet të hetojë.
A jeni takuar me ish zyrtarin e FBI McGonigal?
Meta: Asnjëherë nuk jam takuar e nuk kam tentuar të takoj një person të tillë,por në Tiranë gjatë këtyre ditëve po zbardhen shumë të vërteta nga biznesmenë, nga njerëz që janë apo kanë dalë nga sistemi i drejtësisë, për fat të keq kemi të vërteta që me të janë takuar dhe persona me një background shumë problematik në raport me shtetin ligjor dhe bashkëpunëtorët e kryeministrit tonë janë përpjekur ta kthejnë çështjen e non gratave në biznesin më të madh në Shqipëri pas trafikut të drogës.
Faktet do dalin dhe në të ardhmen. Shumë prej tyre do jenë të gatshëm të bashkëpunojnë dhe me drejtësinë.
Fakt që Rama është përpjekur që dhe persona brenda tij që e kanë ndihmuar, ka përdorur lëvizje të tilla për të ulur valenca politike për shkak të kontributeve që kanë dhënë për të marrë vota për të.
Në radhë të parë është detyra e drejtësisë tone për një hetim të plotë për gjithë ardhjet e zotërisë në Tiranë, kontaktet që kanë pasur dhe rrjetin e bashkëpunëtorëve.
Discussion about this post