Zlatan Ibrahimoviç është pritur nga Papa Françesku në Vatikan dhe i ka dhuruar atij një fanellë kuqezi të Milanit dhe librin e tij “Adrenalina”.
Papa e vlerësoi dhuratën dhe tha se do ta lexonte me dëshirë, duke vënë në dukje se sporti është një mesazh njerëzimi dhe madhështie.
Suedezi theu i pari akullin duke iu përgjigjur Papës që e falënderoi për vizitën e tij.
“Kam sjellë diçka për ty dhe desha ta jap personalisht. Kjo është një pjesë e historisë sime, përmban përshkrimin e jetës sime dhe një mesazh të vogël”, tha suedezi duke marrë më pas “Adrenalinën”, të shkruar me Luigi Garlandon.
Para se ti jepte edhe fanellën, Ibra i tha Papës:
“A ju pëlqen Milani? Me këtë bëj një magji të vogël në fushë…”
Bergolio e falënderoi për një dhuratë kaq personale para se të dy të shkrepnin fotot e rastit të buzëqeshur.
Discussion about this post