Ish-kryeministri Sali Berisha ka deklaruar para arritjes në stadiumin “Air Albania” se sot është dita e revolucionit të Partisë Demokratike.
Ai tha para mediave se nuk ka komunikuar me Lulzim Bashën para nisjen së Kuvendit, ndërsa i bëri sërish thirrje kreut demokrat të bashkohet në stadium.
“Sot do të jetë një ditë triumfi e revolucionit paqësor, asgjë nuk pengoi dhe nuk pengon djemtë dhe vajzat, burrat dhe gratë e lirisë për tu bashkuar sot në rithemelimin e PD-së dhe në rikthimin e pluralizmit politik. Ky është mesazhi më i bukur që ata u dërgojnë miqve konservatorë në Europë dhe në votë, Kuvendi merr vendimet e veta. Mesazhet janë histori turpi, morën përgjigjen më të shkëlqyer nga demokratët. Mirupafshim, mirupafshim! Jo nuk kam komunikuar me zotin Basha, është i ftuar në Kuvend, selia është e Partisë Demokratike”, tha ish-kryeministri.
Discussion about this post