Finalja e Conference league duket se i uli gjakrat mes Presidentit të Federatës Shqiptare të Fubollit, Armando Duka dhe kreut të Bashkisë së Tiranës, të cilët pak muaj më parë patën një përplasje të fortë mes tyre, shkak i sherrit ishte institucioni më i rëndësishëm i futbollit në Shqipëri, FSHF. Në një intervistë për mediat, Duka i dha përgjigje pyetjeve rreth marrëdhënieve të tij me kryebashkiakun Veliaj. I pyetur se pas kësaj finaleje Veliaj mund të rikthejë sërish sulmet ndaj tij për të marrë FSHF-në, Duka tha se për këtë gjë duhet pyetur kryebashkiaku, por nuk do të ishte normale që individë të caktuar të kërkojnë përvetësimin e organizatave të pavarura.
Pjesë nga diskutimi:
Xhafo: Në datë 24 u prezantua kupa, kryetari i Bashkisë nuk ju përmend me emër nominalisht, ju e përmendni?
Duka: Jam i lumtur që për herë të parë Conferenc Leagu u luajt në Shqipëri, të lumtur duan të jenë edhe Erjoni edhe Loriku. Nëse Erjoni e publikon emrin tim ose jo, pyetjen bëjani atij. Nuk ka ndonjë interes të madh nëse ma përmend apo nuk ma përmend emrin.
Xhafo: Kolegu Bledar Kuka, kohë më parë bëri një kronikë, ku thoshte se pas kësaj ndeshjeje përpjekjet për të hequr Armand Dukën nga kreu i FSHF do të rifillojë. A keni frikë se konflikti do të rifillojë?
Duka: Për këtë duhet të pyesësh Erjonin ose Erjonët që sulmojnë Fedreratën.
Xhafo: Ju do e bëni të plotë mandatin?
Duka: Ne nuk jemi të sigurt nëse do jemi nesër apo jo. Uroj që të kem shëndet, të jem mirë, pastaj të kem mundësi të bëjmë rezultate pozitive. Nëse mandatet e një organizate të pavarur si FSHF cënohen nga një individ kjo mund të ndodhë, por nuk është normale.
Xhafo: Do e lejonte Rama, Erjon Veliajn pas një momentumi të mirë mes jush dhe atij vetë, në këto momente të piar?
Duka: E kam falënderuar sepse ka qenë i angazhuar. Unë si di këto gjërat e politikës, nëse Edi e lejon apo jo Erjonin, këto pyetje duhet t’ua bëje atyre.
Discussion about this post