Deputeti i PD-së, Oerd Bylykbashi, ka komentuar gjatë një interviste televizive situatën brenda në PD. Ai tha se e vetmja zgjidhje për të sheshuar tensionet është largimi i Bashës, ndërsa theksoi se ky i fundit po zvarrit më shumë se duhet dorëheqjen. Sakaq, i pyetur nga gazetarët ai tha se nuk ka pasur negociata të fshehta mes Sali Berishës dhe Lulzim Bashës.
“Nuk ka negociata fare mes tyre. 6 marsi është votë e njerëzve, që e kanë të qartë vendimin e tyre. Duket që konkluzioni është që Berisha të kandidojë për në krye të PD-së. Basha e kishte mundësinë për të pasur një kontribut deri para 11 dhjetorit, por nuk e ka më këtë pjesë. Askush nuk i heq mundësinë atij të jetë pjesë e proceseve. Ai nuk po pranon asgjë. Atij ndoshta i pëlqen t’i zvarrisë gjërat, për të fituar kohë. Ai mendon se me këtë formë do gjejë vrimë për të dalë nga kjo situatë. Por ka një parti të tërë kundër. Ka një grup të madh që e kanë shkarkuar ose i kanë kërkuar dorëheqjen. I kanë thënë që nuk bën më për këtë punë”, tha Bylykbashi. Ndërsa i bëri edhe njëherë thirrje Bashës të largohet për të mirën e partisë dhe për dinjitetin e tij.
Discussion about this post