Deputetët e Komisionit të Rithemelimit kanë dhënë një deklaratë për mediat pas turit që bënë në selinë blu, ku vizituan gjithashtu edhe ish-zyrën e Lulizm Bashës. I pyetur nëse ka më vend për Bashën në selinë blu, deputeti Flamur Noka zbuti tonet duke thënë se PD është “parti e dyerve të hapura”.
“Kjo seli do ti kthehet normalitetit dhe do jetë e hapur për çdo demokrat. Kjo periudhë do hidhet pas, nuk do doja as ta kujtonim, do shohim para së bashku sepse nuk mund të rrimë peng i hijeve të bunkerit. Për të rrëzuar një regjim që po u pi gjakun shqiptarëve. Në PD ka vend për çdo qytetar të lirë të vendit që nuk pajtohet me këtë regjim. Do jetë parti e dyerve të hapura jo e blindeve. Edhe Basha do jetë një koleg i joni”, tha Noka.
Një ditë pasi Gjykata njohu statutin e ish-kryeministrit Berisha, deputetët e Komisionit të Rithemelimit, sëbashku me disa militantë i janë drejtuar selisë blu, ku theksojmë se në seli nuk ka pasur asnjë nga deputetët e tjerë të pranishëm.
Discussion about this post