Gjatë konferencës së përjavshme që zhvilloi para gazetarëve, kryetari i Partisë Demokratike Sali Berisha u pyet nëse Gazment Bardhi ka kërkuar pazare në takimet me Edi Palokën, për të dakordërsuar një marrëveshje të përbashkët në lidhje me zgjedhjet vendore të vitit të ardhshëm. Në lidhje me këtë fakt, Berisha u shpreh se nuk ka dijeni, ndërsa shtoi se PD ka statutin e vet dhe nuk mund të dalë jashtë tij, duke thënë se bisedimet janë absolutisht të sinqerta mes palëve.
“Nuk kam dijeni, janë takuar dje, do takohen, të dy kanë bërë deklarata se po shkohet drejt një pozitiviteti. PD ka statutin e vet dhe jashtë statutit nuk mund të dalë dhe bisedimet janë absolutisht të sinqerta. Nuk bëjmë bisedime me prapamendime”, tha Berisha.
I pyetur nëse ai dëshiron një bashkim total të PD, apo vetëm për të dalë bashkë në zgjedhje, Berisha tha: Jam për një bashkim të plotë të PD, ky grup ka të hapura si për bashkim të plotë dhe me të gjitha të drejtat që i takojnë, si për fraksion.
Discussion about this post