A largohen pacientët e huaj pa paguar? Flet stomatologu

Stomatologu Besnik Sadikaj foli për sëmundjen e bruksizmit dhe mënyrat se si duhet trajtuar ai.

Kërcitja e dhëmbëve, pra bruksizmi, arrin që të shkaktojë shkurtim të dhëmbëve e madje edhe thyerje të tyre pasi fuqia që një i rritur ka në kafshim, është mbi 600 kilogram.

“Bruksizmi sjell probleme si shkurtimi i dhëmbëve, prishjen e dhëmbëve, fillimin e lëvizshmërisë së dhëmbit. Në raste kur ka punime protetike, pacientët arrijnë deri në thyerje të fasetave ose të urave të porcelanit dhe të zirkonit. Forca mesatare e kafshimit të një maxhoreni është mbi 600 kilogram për kafshim”,-tha stomatologu.

Ndër të tjera Sadikaj foli edhe për turizmin dentar, i cili vitet e fundit është shtuar shumë në Shqipëri. Ai tha se turizmi dentar po zhvillohet shumë në Shqipëri pasi këtu shërbimi në klinika dentare është njësoj si jashtë ndërsa shërbimi është më i shpejtë dhe më i lire.

I pyetur nëse pacientët e huaj kur vijnë bëjnë “hile”, të tentojnë të largohen mjeku stomatolog tha se jo.

“Jo pse të bëjnë hile. Në përgjithësi kjo është një marrëdhënie shumë korrekte nga të dyja palët. Mjekët kanë disa formula që nuk mund ta nxjerrin dot një pacientë pa paguar lekët. Ka pasur tentativa, por rrallë”,-tha mjeku stomatolog.