Presidenti Ilir Meta nga Manastiri i “Shën Joan Vladimirit” në Shijon, Elbasan, ka reaguar lidhur me procedurat e nisura në Kuvend për shkarkimin e tij nga detyra. Meta ka thënë se një gjë e tillë nuk është e vërtetë, pasi sipas tij Kuvendi prej dy vitesh është anti-Kushtetues.
“Nuk ekziston asnjë lutje e tillë lutja është se Zoti i fal të gjithë ata që nuk dinë ça bëjnë dhe ti udhëheq në rrugën e të mirë së përbashkët” Është përgjigje e qartë. Kam ardhur këtu për t’ju bashkuar mesazhit të bashkëjetesës të gjithë besimeve të ndryshme” tha Meta.
“Nuk dëshiroj të flas në një vend të shenjtë për çështje që nuk ekzistojnë se kjo tema e shkarkimit nuk është më tepër pas 25 prillit dhe aq më tepër që është konfirmuar se u tregua qartë se Kuvendi i dy viteve të fundit ishte pa opozitë dhe sot është tre herë më antikushtetues. Dhe nuk kam asnjë shqetësim të tillë. Merruni me hetimin e krimeve zgjedhore para gjatë dhe pas 25 prillit. Në një vend demokratik qytetarët të jenë. Vota të jetë e barabartë. Të tjerëve u është mohuar vota “ shtoi ai.
