Pas dorëheqjes së tij, Kuvendi ka depozituar shkresën SPAK, ku i thotë se Alqi Bllako nuk është më deputet. Kjo i hap rrugë arrestimit dhe tani të gjithë pyesin nëse do të arrestohet apo jo Bllako. Në lidhje me këtë pikëpyetje ka folur sot Avokati i Alqi Bllakos, Sokol Hazizaj, i cilinuk përjashtoi mundësinë që klienti i tij mund të arrestohet edhe sot nga Policia e Shtetit, nëse ka një masë sigurie të vendosur nga Gjykata.
Në një intervistë për emisionin “Opinion”, Hazizaj tha se nga momenti kur Bllako ka dorëzuar mandatin në Kuvend, atëherë s´ka asnjë pengesë për të realizuar arrestimin, nëse ka një vendim Gjykate që mund të jetë marrë pa praninë e ish-deputetit apo avokatit të tij. “Sipas Kodit të Procedurës Penale, momentalisht Policia mund të arrestojë Bllakon. Ai ndodhet në shtëpi. Nëse arrestohet, duhet që brenda 48 orësh, i njëjti gjyqtar që ka dhënë masën e sigurisë të bëjë dhe vlerësimin e saj”, tha Hazizaj. Pra nuk do ishte e papritur nëse mëngjësi i nesërm e gjen Bllakon nën pranga.
Discussion about this post