Gazetarja Klodiana Lala e konsideron pothuajse të pamundur tezën se ish-zv.Kryeministri Arben Ahmetaj mund të kthehet në një të “penduar” të drejtësisë. Në emisionin “Open” ajo tha se nëse Ahmetaj do të bëhej bashkëpunëtor i drejtësisë ai do të “merrte në qfë” jo vetëm Qeverinë, por të gjithë Parlamentin.
Lala tha se një javë më parë Ahmetaj ka udhëtuar drejt Britanisë së Madhe, ndërsa të premten e kaluar drejt një vendi të BE-së.
“Ahmetaj ka udhëtuar drejt një vendi të Bashkimit Evropian të premten. Ka qenë një javë më herët po ashtu në drejtim të Mbretërisë së Bashkuar. Është kthyer dhe ka udhëtuar sërish jashtë vendit të premten e kaluar. Ka dalë nga territori por nuk e di vendin ku ndodhet, nuk do të thotë që ai një ditë mos të kthehet.
Si njeri i pushtetshëm nëse do të donte të përballej në Këshillin e Mandati mund të kthehej. Uroj mos të zgjedhë rrugën e largimit pasi ka mbajtur poste të rëndësishme, të japë shpjegime dhe prova, largimi e bën njeri të dyshuar dhe merr me vete barrën e fajtorit. Policia deri më sot nuk ka pasur arsye ta kontrollojë, më lë një shije të hidhur gjithë kjo”, tha ajo.
Discussion about this post