Shkencëtarët kanë marrë disa “rekrutë” të pazakontë për të parashikuar tërmetet, shpërthimet vullkanike dhe disa fenomene të tjera natyrore. Në listë janë regjistruar mijëra qen, dhi dhe kafshë të tjera të egra, të cilat po monitorohen në çdo lëvizje të tyre nga një satelit i dedikuar që do të lancohet në hapësirë vitin e ardhshëm.
Qëllimi nuk është vetëm të studiohet se si kafshët reagojnë ndaj ngjarjeve të afërta natyrore si shpërthimet vullkanike, por të fitojnë njohuri të reja mbi migrimin, përhapjen e sëmundjeve midis kafshëve dhe ndikimin e krizës klimatike.
“Ne kemi zbuluar se sjellja e dhive është mjaft e mirë në parashikimin e shpërthimeve të mëdha vullkanike,”-tha një prej shkencëtarëve duke u bazuar në lëvizjet që kanë monitoruar pranë vullkanit Etna në Siçili. Sensorët kanë treguar se kafshët bëhen nervoze përpara një shpërthimi dhe refuzojnë të lëvizin në kullota më të larta, zona që në kushte normale i kanë “të preferuara”.
“Ato e dinë se çfarë po vjen, nuk e dimë sesi ia dalin, por e bëjnë,”– tha Martin C. Wikelski për “The Guardian“.
Në mënyrë të ngjashme, studiuesit kanë monitoruar qentë, delet dhe kafshët e tjera në malet Abruzzo jashtë Romës dhe zbuluan se reaguan në mënyra që parashikuan shtatë nga tetë tërmetet e mëdha në rajon gjatë 12 viteve të fundit.
Një teori është se kafshët reagojnë ndaj joneve të lëshuara nga shkëmbinjtë gjatë grumbullimit të shpërthimeve.
Historitë e kafshëve që sillen në mënyrë të çuditshme përpara tërmeteve ose shpërthimeve nuk janë teori e re. Historiani grek Thucydides pohoi se minjtë, qentë, gjarpërinjtë dhe nuselalat e braktisën qytetin e Helices pak para se të ndodhte një tërmet në vitin 373 para Krishtit.Në mënyrë të ngjashme, tërmeti Haicheng i vitit 1975 në Kinë ndodhi pasi gjarpërinjtë dhe minjtë lanë strofkat e tyre.
Discussion about this post