Kryetari i PD-së, Sali Berisha ngriti dyshime këtë të Enjte se Shefqet Kastrati mund të jetë i përfshirë në kontrabandë nafte.
Në një emision televiziv, Berisha u pyet se pse s’përmend oligarkë.
Në përgjigje, ai deklaroi se e bën kur ka informacione që cënohet interesi publik përmes projekteve të lidhura me qeverinë.
Kryetari i PD-së tha se qeveria e tij dikur kishte një qasje tjetër nga ajo që ka qeveria Rama sot me të ashtuquajturit oligarkë.
Si shembull solli dy biznesmenë, Shefqet Kastrtai dhe Samir Mane.
“Kalojmë te Kastrati. Ai ishte më i madhi në naftë? Ishte. 32 licenca ka lëshuar qeveria shqiptare. Dhe sa për dijeni kur kërkoi që ti hiqej TVSH-ja e naftës që ja shiste Bankers-it për injektim, s’ju hoq. Kishte dy rryma, por s’ju hoq”, tha Berisha në “Të Paekspozuarit”.
Më tej, shtoi se sot po bëhet kontabandë nafte. “Sot është kontrabanda e naftës minimumi 250 mijë ton në vit. E vetmja që s’bëhet dot pa qeveri. Po nafta dihet si vjen. Me peshkarexhë sjell naftën nga Libia dhe e shkarkon qeveria”, u shpreh Berisha.
Ai pranon se sot ka kontrabandë masive nafte dhe përmend Kastrtain si “oligark”, duke ngritur në këtë mënyrë dyshime për përfshirjen e tij në këtë aferë bashkë me qeverinë.
Ndësa për Samir Manen tha: “Nëse sot Samir Mane është një ndër më të pasurit’ në mënyrë absolute s’ka përfituar dhe s’ka kërkuar një favor nga Berisha përveç një. Po ndërtonte njer magazina të mëdha dhe ishin disa familje që kishin ndërtuar dhe kërkoi ti zgjidhte vet të gjitha përveç legalizimeve. Asnjë të vetëm. Ka investuar te TEG-u, unë Berisha kam marrë pjesë në inaugurim dhe asgjë tjetër, asgjë prej gjëje. QTU e ka ndërtuar pasi erdhëm ne në pushtet dhe e inauguroi pasi erdhëm ne. Mund të ketë kërkuar ndonjë gjë tjetër që ndoshta dhe i takonte, por s’i është dhënë. Atëherë pse do ta quaj unë oligark atë, se me sektor privat ai kishte lidhje me Karfur, me kompani të tjera të mëdha, jo me qeverinë. Kur unë kam qenë në qeveri akset e mëdha janë ndërtuar nga kompani ndërkombëtare”.
Discussion about this post