Ulsi Manja, ministër i Drejtësisë, e ka cilësuar si një çështje të drejtësisë atë të Fredi Belerit. Në këtë mënyrë Manja i është përgjigjur akuzave nga kreu demokrat Sali Berisha, i cili fajëson ministrin e Drejtësisë, se nuk po lejon Fredi Belerin të betohet si kryebashkiak i Himarës.
Por Manja ka zgjedhur të fshihet pas asaj që e konsideroi si një çështje e drejtësisë, madje ka sugjeruar që gjithkush ti referohej vendimit të Gjykatës së Lartë.
Por në një, deklaratë për mediat, Manja u shpreh se nuk merrte seriozisht deklaratat e Berishës, për të cilin tha se është jashtë realitetit.
“Sinqerisht ka kohë që nuk e marr seriozisht Berishën sepse ka humbur sensin e kohës dhe realitetin. Çështja i takon drejtësisë, edhe për betimin do t’u lutesha të njiheshin me vendimin fundit të Gjykatës së Lartë. E keni dhe arsyetimin e saktë që ka të bëjë me qëndrimin ligjor. Pjesa tjetër se çfarë deklaron Berisha, ka kohë që është jashtë realitetit”, tha Manja.
Discussion about this post