A po kërcen Prifti nga belaja?!

Po pavarësisht “belasë” që mund të ketë zënë sot “priftin” Edvin, është me vend të risjellim në vemendje disa të vërteta të pamohueshme:

1. Edi Rama, në mënyrë të përsëritur ka pranuar publikisht se as e ka lexuar ndonjëherë Reformën. Madje, po në mënyrë të përsëritur ka thënë se “Ne do bëjmë çfarë thonë partnerët sepse ata po e bëjnë reformën”. Le ta mohojnë këtë gjë Lulzim Basha dhe Ilir Meta, po të munden.

2. Deputetët e Partisë Socialiste, me përjashtim të Fatmir Xhafës, Vasilika Hysit e ndonjë tjetri,nuk kanë patur dijeni fare, po fare fare se ça po miratojnë. E njëtja gjë vlen edhe për deputetët e PD dhe të LSI. Madje kjo e fundit, përjashtoi nga grupi një deputet të saj se guxoi të bënte një pyetje publike “ç’është kjo ONM”…

3. Ndryshimet kushtetuese, që i hapën rrugën reformës u bënë me 140 vota. Pra nga gjithë partitë, sepse deputetët nuk kanë qenë koshient. Fakt është që Partia Socialiste (pra kjo që thonë se ka bërë reformën) nuk e miratonte dot e vetme me numrat parlamentarë që kishte.

4. Më tej, ligjet në zbatim të Kushtetutës janë miratuar me LSI. Përsëri vlen të theksohet se PS nuk i miratonte dot vetëm ato ligje. (Për mua LSI bëri gabim të rëndë që dha konsensus të pakusjtëzuar për ato ligje, po sidoqoftë pa LSI, PS nuk i bënte dot ato ligje.)

5. Në fillimet e zbatimit të reformës, veçanërisht në ngritjen e strukturës së Vetting, kanë patur rol të gjitha partitë parlamentare.

6. Në vijim, përgjatë zbatimit të mëtejshëm të reformës, ka qenë dhe mbetet çdo gjë ekskluzive e Partisë Socialiste. Kjo e vërtetë e dukshme dhe e pamohueshme.

Madje aq e vërtetë është kjo saqë edhe ajo tufë pseudo ekspertësh të huaj dhe diplomatësh të huaj të blerë që asistonin, dukeshin sikur ishin pjesë e strukturave të Partisë Socialiste. Qartësisht ashtu u sollën.

Ndaj Rama ka të drejtë që prezanton veten dhe PS si autorë të kësaj katrahure që kanë bërë, pavarësisht se mohon këto të vërteta që listova më lart.

Pyetjes “përse e bën këtë?”, vetëm “belaja” i jep përgjigje…