Aktori i njohur, Eglein Laknori, një nga miqtë më të mirë të Juljan Dedës ka qenë dje i ftuar në emisionin “Ftesë në 5”, ku ka folur për lojën e humoristit brenda shtëpisë së “Big Brother VIP 3”.
Sipas Laknorit, Juli ka një aftësi që askush tjetër nuk e ka në BBV, ai e mban situatën gjithmonë në kontroll. Përsa i përket faktit nëse po kopjon lojën e Luiz Ejillit, Eglein shprehet në mënyrë absolute që jo.
“Juli ka një aftësi që asnjë prej tyre nuk e ka për hir të vërtetës. Jo për të fyer të tjerët, por Juli e ka gjithmonë situatën nën kontroll dhe nuk i ikën kurrë situata nga kontrolli, sidomos në skenë. Juli flet dhe gjithmonë dëgjon ata që flasin nga fundi dhe thonë po ti nga e dëgjove këtë mo? Juli e ka përqendrimin ndryshe nga të tjerët, është e lindur. Është një djalë social, nuk është arrogant”, tha aktori i njohur.
I pyetur a po kopjon lojën e fituesit të edicionit të dytë të reality show-t, ai tha:
“Jo nuk është e vërtetë, jo”.
Ndërkohë kujtojmë se Juli u bë pjesë e shtëpisë më të famshme në Shqipëri që nga dita e parë, dhe ka qenë një prej 3 personave që në një votim për të preferuarin u votua nga publiku.
Discussion about this post