Sekretari i përgjithshëm i Partisë Demokratike, Gazment Bardhi mohoi që me qëndrimin e tij kundër disa vendimeve të kryesisë po tenton krijimin e një poli të tretë në PD.
Në një intervistë për Euroneës Albania, Bardhi u shpreh se qëndrimi i tij dhe pjesës më të madhe të grupit parlamentar të PD lidhet me nevojën që partia të riorganizohet duke nisur nga baza.
Bardhi tha se nuk kemi kundërshtuar procesin e riorganizimit të PD-së, madje e kemi cilësuar si emergjencë këtë, por mendojmë se PD ka nevojë për një ndërtim apo rindërtim duke nisur nga qeliza e saj.
“Riorganizimi duhet të nisë nga baza për të shkuar më pas te kryetari”, tha Bardhi. Në vijim ai sqaroi se anëtarët e Kryesisë kanë kërkuar që të nisë organizimi me zgjedhjen e Kryetarit dhe më pas të plotësohen hapësirat te strukturat.
Discussion about this post