Analisti Plator Nesturi në emisionin Log., ka komentuar situatën politike në vend, ku tha se shanset që Shqipëria të shkojë në zgjedhje të parakohshme janë të ulta, pasi opozita nuk po ushtron presion mbi pushtetin.
Nesturi tha se pavarësisht kësaj, mazhoranca ndodhet në një qeverisje në stres, kjo si pasojë e hetimeve të SPAK dhe se betejën me opinionin publik e kanë të ashpër.
“Nga ana e opozitës është aq e dobët sa nuk kemi një presion për ta detyruar mazhorancën për të shkuar në zgjedhjet e parakohshme. Por kemi një qeverisje në stres, kjo vjen edhe me hetimet dhe çështjet që po ndjek SPAK. Është një lloj stresi që mazhoranca do ta kalojë në opinionin publik, ku mund të zgjidhet dhe rruga më direkt që mund ti bëjë një mur, për të shkuar në zgjedhje të parakohshme.
Këtë element e kanë praktikuar dhe shumë lider në botë, krijon situate të caktuar për ta çuar vendin në zgjedhje të parakohshme. Po situate ku ndodhet mazhoranca nuk është emergjente, pasi gjendja e opozitës po çon në përçarje, sidomos për vulën e cila mund të përfundojë brenda PD kur mos e kërkojnë më”, tha ai.
Discussion about this post