Në mbledhjen e Këshillit të Mandateve dhe Imuniteteve, avokatët e Arben Ahmetajt, kanë deklaruar se në dosjen e SPAK ka vetëm aludime dhe jo prova.
Deklarata e avokatëve ka ardhur pas pyetjes që deputeti Ervin Salianji iu drejtoi atyre nëse Arben Ahmetaj po sulmohet apo jo nga mazhoranca.
“Avokat, ju në fjalën tuaj thatë që duhet t’i ruhemi protagonizmit gjyqësor, thatë që ka gjuhë joprofesionale në relacion, që ka fyerje që prokuroria u soll si Gestapo etj… Ndërkohë duke i qëndruar mendimit që ne nuk jemi gjykatë dhe që garancia e imunitetit është garanci për sulmet politike po ju pyes pasi thatë që klienti juaj është vunerabël politikisht, mendoni që po sulmohet politikisht nga mazhoranca?
Ne publik po qarkullon që personi nën hetim ju është pergjigjur prokurorise për disa pyetje se prokuroria duhet të pyesë Ramën për disa vendimmarje, keni autorizim ose info për ta qartësuar këtë?”, tha Salianji.
Avokati i Arben Ahmetajt, Ardian Visha në mbledhjen e Këshillit të Mandatave, ka deklaruar se nuk gjen drejtësi në SPAK.
Ndërkohë deputetja socialiste Ermonela Felaj i është përgjigjur se çfarë ndikimi mund të kenë prokuroret e SPAK kur e kanë kaluar vetingun?
Avokatët janë shprehur se Arben Ahmetaj ka ikur nga Shqipëria për arsye familjare.
Një nga kritikat e paraqitura nga avokatët është shtrirja e hetimeve nga vitit 2004, gjë që sipas raportimeve, ka sjellë edhe reagimin e Gazment Bardhit, i cili në një debat me mbrojtësit ligjorë të Ahmetajt u ka thënë se çdo politikani duhet t’i hetohet pasuria.
Discussion about this post