Një raketë kineze, Long March 5B e dalë jashtë kontrollit pritet të bjerë në Tokë gjatë fundjavës. Edhe pse rreziku është i vogël, askush nuk e përjashton që pjesë të raketës mund të bien në një zonë banimi.
Raketa 30 metra e gjatë peshon 22 tonë dhe besohet se është mjaft e vështirë për t’u copëtuar në copa shumë të vogla për sa kohë që rrotullohet rreth Tokës. Raketa nuk ka sistemin e vendosur të kontrollit, i cili i mundëson dikujt të japë një rrugë të paracaktuar të goditjes.
Si rezultat do të hyjë në atmosferën e Tokës e pakontrolluar dhe është e pasigurt se ku do të përplaset. Por sipas të dhënave më të fundit, mbetjet raketore mund të bien në disa vende të Evropës.
Sipas Agjencisë Evropiane të Sigurisë së Aviacionit (EASA), duket se mbeturinat pritet të bien në një zonë që shtrihet nga Azores në Atlantik dhe shtrihet deri në Greqi.
Parashikimi më i fundit thotë se fragmente të raketës mund të bien ose në Spanjë, Portugali, Maltë, Itali ose Greqi.
Sa i përket Greqisë, zonat e mundshme ku mund të bien mbetjet janë Greqia e Veriut dhe Kreta. Megjithatë, ende nuk konsiderohet e sigurt nëse do të bien në ndonjë nga vendet e mësipërme, pasi shtrirja e ndikimit mbulon një pjesë të madhe të detit, si rezultat i së cilës copat mund të bien në ujë.
Discussion about this post