A u diktuan ndryshimet në Qeveri nga SPAK? Ja ç’thotë Pëllumbi

Deputeti i PS-së Arben Pëllumbi i ftuar në emisionin “Now” në Euronews Albania, foli për ndryshimet në qeveri.

Ai theksoi se Edi Rama, bëri ndryshime për shkak se PS ka nevojë për figura të reja, ndërsa nënvizoi se këto lëvizje nuk kanë të bëjnë me hetimet e SPAK.

“Rama, PS dhe të gjithë skuadra e PS arritën një sukses më të mëdhenjt që ka arritur PS në pushtetin vendor. Për këtë arsye, PS në vetvete vazhdon të jetë një parti e suksesshme. PS ka pasur nevojën e një rinovimi e një ndryshimi dhe afrimit të figurave të reja dhe ka bërë ndryshime të reja. Ç’lidhje ka SPAK me sekretariatin e PS”- tha ai.

Duke iu referuar bashkimit të grupimit të Sali Berishës dhe Gazment Bardhit, Pëllumbi me ironi tha se tani socialistët kanë filluar të kenë frikë.

“Rëndësi ka që ju sot keni arritur një gjë të madhe dhe shyqyr që ju erdhi dita të merreni me ne meqënëse i zgjidhët hallet tuaja, sidomos tani që u bashkuat njëherë na futët frikën dhe po na trembni.

E para njëherë, Asambleja Socialiste e cila ishte këtë herë me dyer të hapura, nuk votoi sepse do të votojë në kongresin e fillim tetorit, pra kur të mblidhet do të votojë.

o flas për sekretariatin. Asambleja është organ i Partisë Socialiste, për rrjedhojë merret me organizimin e strukturave të Partisë Socialiste.

Në Asamble votohet sekretariati i PS-së, i cili aty u propozua, por nuk u votua dhe do të mblidhemi në fillim të tetorit për të votuar,”  sqaroi Pëllumbi.