Këtë vit në zgjedhjet e Bundestagut, në Gjermani, risi përbën vota nëpërmjet postës, e cila mendohet se tejkalon atë të vitit 2017 dhe arrin deri në 40% të votës së përgjithshme.
Shumë kanë pyetur veten nëse ka votuar kancelarja gjermane dhe pse nuk ka asnjë foto të ketij momenti. Pjesë e votimit nëpërmjet postës është bërë edhe kancelarja gjermane Angela Merkel, ndaj votimi i kancelares nuk është kapur nga kamerat.
Shenjat janë për ndryshim pushteti në Gjermani, por gjithçka tani varet nga Të Gjelbrit dhe liberalët.
CDU si e paralizuar. Entuziazëm tek qendra e Partisë Socialdemokrate, SPD. Këto zgjedhje në Gjermani po japin shenjat e ndryshimit të pushtetit. CDU-ja pësoi humbje të ndjeshme, dhe shënoi rezultatin më të dobët të të gjitha kohërave në federatë. Sipas llogaritjeve të para – aktualizim i orës 19:59 – Infratest dimap/ARD – CDU/CSU arrin në 24,5%, rreth 8,2 pikë më pak se në vitin 2017, kurse SPD-ja 25,5%, rreth 4,4% pikë më shumë. Të Gjelbrit renditen të tretët me 13,8% para FDP-së me 11,7%, partia populiste e djathtë, AfD arrin 10.9%. Të Majtët pësuan humbje të ndjeshme dhe arritën vetëm kufirin 5%.
