Parlamenti i Malit të Zi votoi mbrëmjen e djeshme mocionin e mosbesimit duke rrëzuar qeverinë e kryeministrit, Zdravko Krivokapiç.
Për këtë ka reaguar Dritan Abazoviç, i cili përmes një postimi në Twitter shkruan se e mirëpret zgjedhjen unanime të Maja Jovanoviç. Ai thotë se vendimet e radhës, që sipas tij janë edhe më të rëndësishme, do t’i marrë pa vonesë.
“E mirëpres zgjedhjen unanime të Maja Jovanoviç, me të cilën Këshilli Prokurorial tregoi profesionalizëm dhe integritet ndërsa kritikave iu përgjigj në mënyrën më të mirë. Besoj se vendimet e radhës të rëndësishme do t’i marr pa vonesë, si dhe ndryshime rrënjësore të këtij institucioni, me theks në luftën e fortë kundër korrupsionit dhe krimit të organizuar!” – shkroi Abazoviç.
Ditën e djeshme, seanca parlamentare e cila zgjati mbi 5 orë u shoqërua me debate të forta. Pika e parë e rendit të ditës, për votimin e shkurtimit të mandatit të parlamentit nuk u miratua nga deputetet pasi në të kundërt vendi do të shkonte në zgjedhje të parakohshme.
Më tej, iu hap rruga diskutimeve për pikën e dytë dhe atë më të rëndësishmen, mocionin e mosbesimit të qeverisë, e thirrur nga zv-kryeministri Dritan Abazoviç.
Ndër të tjera, Nënkryetari i lëvizjes Ura, Miloš Konatar tha për mediat malazeze se personalisht beson që kryeministër i vendit duhet caktuar Dritan Abazoviç.
Discussion about this post