Dritan Abazoviç është zgjedhur kryeministri i ri i Malit të Zi. Qeveria e re pritet të përbëhet nga Lëviza Qytetare URA, të cilën e udhëheq Abazoviç, Partia Popullore Socialiste, e cila është pro-serbe, Partia Social-Demokrate dhe partitë kombëtare të shqiptarëve, boshnjakëve dhe kroatëve.
Kabineti i ri pritet të ketë në përbërje 18 ministri dhe katër zëvendëskryeministra. Dritan Abazoviq, ka paraqitur zotimet e tij para deputetëve, i cili bëri të ditura prioritet e tij qeverisëse. Gjatë ditës së djeshme, Abazoviç propozoi zyrtarisht edhe strukturën dhe përbërjen e pushtetit ekzekutiv.
Ndër emrat e ministrave të propozuar janë edhe dy shqiptarë. Fatmir Xheka u propozua nga Abazoviç për të udhëhequr Ministrinë e të Drejtave të Njeriut dhe Pakicave, ndërsa Marash Dukaj për të udhëhequr me Ministrinë e Administratës Publike.
Për këta dy u dha edhe biografi e shkurtër. Ministri i të Drejtave të Njeriut dhe të Pakicave, Fatmir Xheka, i lindur në Tivar më 1975, i diplomuar për ekonomi, ish-kryetar i Komunës së Ulqinit, deputet shumëvjeçar i Kuvendit të Malit të Zi.
Ministër i Administratës Publike, MA Maras Dukaj, i lindur më 1985 në Tuzi, Master i Psikologjisë Shkollore, gazetar dhe profesor shumëvjeçar, drejtor shumëvjeçar i drejtorisë në Ministrinë e Arsimit, ish-menaxher i Komunës së Tuzit. Qeveria do të ketë 18 ministri, katër nënkryetarë dhe dy ministra pa portofol.
Discussion about this post