Gazetarja e njohur amerikane Jennifer Griffin ka vlerësuar në Twitter aktin e kryeministrit në mandatin teknik të Malit të Zi Dritan Abazoviçit, i cili erdhi në hapjen e Asamblesë së Përgjithshme të Kombeve të Bashkuara në Nju Jork, duke përdorur biçikletë, së bashku me kolegët e tij.
Sipas mediave të huaja, gazetarja shkroi se veprimi i Abazoviç, kryetar i një partie të gjelbër, është një shembull për tu ndjekur nga liderët botërorë me zgjedhjen e tij për të mbrojtur mjedisin.
“Ai është një nga udhëheqësit më të rinj të zgjedhur të Evropës/NATO-s dhe ka marrë një qëndrim të fortë kundër Putinit duke iu bashkuar sanksioneve të BE-së kundër Moskës për pushtimin e saj në Ukrainë”, shkroi Griffin.
Vetë Abazoviç ka postuar një foto në Twitter duke theksuar se vendosi të ecte me biçikletë për të vënë theksin dhe rëndësinë se mbrojtja e mjedisit.
“Duke ecur me biçikletë për në OKB. Duke vënë në dukje rëndësinë e mbrojtjes së mjedisit dhe promovimin e ndërgjegjësimit për mjedisin. Festimi i ditës së gjendjes ekologjike të Malit të Zi, unike në botë”, shkruan Abazoviç.
Abazoviç, siç njoftoi Qeveria, vendosi ta bëjë këtë për të përdorur një lëvizje simbolike për të tërhequr vëmendjen për rëndësinë e mbrojtjes së mjedisit dhe domosdoshmërinë e zhvillimit dhe promovimit të vetëdijes ekologjike në botën moderne.
Discussion about this post