Sekretari i Përgjithshëm i Partisë Socialiste, Damian Gjiknuri, ka qenë i ftuar në emisionin “Të Paekspozuarit” në MCN TV, ku foli për fushatën e kësaj pertie për zgjedhjet lokale që do të mbahen në 14 maj.
Mes Gjiknurit dhe analistit Enton Abilekaj ka patur një debat, në lidhje me zotimin e Edi Ramës, se PS do të “dhurojë” një pjesë të buxhetit të fushatës për të mbjellë pemë në qyetete të ndryshme, përfshirë edhe Shkodrën. Abilekaj i tha zyrtarit të PS, se kjo është njëlloj si të çosh lule tek dikush që ke vrarë, duke shtuar se PS “ka shkatërruar qytetet me beton”.
Pjesë nga debati:
Enton Abilekaj: Kjo është simbolikë, që të çosh lule në varrin e atij që ke vrarë, në Tiranë, Durrës dhe Vlorë. I kanë betonizuar dhe shkatërruar këto qytete dhe tani duan të çojnë lule në varr. Është konsoliduar betonizimi dhe janë shkatërruar qytetet. Po çojnë lule me shpresën që ata që jetojnë aty do ti falin. Ndërsa në Shkodër është një mashtrim.
Damian Gjiknuri: Ju këtë vizion keni. Çfarëdo bëhet, varet nga këndvështrimi që e sheh.
Enton Abilekaj: Për ju zhvllimi është beton.
Damian Gjiknuri: Nuk ka zhvillim pa atë që quhet ndotje industriale. Urbanizimi ka edhe pasoja në mjedis, por si ta bëjmë më të balancuar? Për këto konkurojnë partitë. Ose do ti nxjerrim budallenj fare shqiptarët, që na votojnë.
Enton Abilekaj: Nuk ka faj populli që varrosët qytetet.
Damian Gjiknuri: Nëse populli do të komentonte kështu si ju, nuk do të votonte PS-në.
Enton Abilekaj: Nga Golemi deri në Durrës është beton. U shkatërrua pylli. Në Vlorë, nuk merret frymë. Edhe te gjykata e Vlorës ka pallat në oborr, për ti thënë gjykatës që je impotente dhe s’ke çfarë na bën.
Damian Gjiknuri: Po ka një shkatërrues, janë ata që thoshin të marrim kazmën dhe të shkatërrojmë gjithçka, që nga viti 91’. Shkatërruesi i të mirës publike, ka një emër, është Sali Berisha.
Discussion about this post