Analisti Enton Abilekaj deklaroi në studion e emisionit “Të Paekspozuarit” se Rama po bën një fushatë politike dhe personale, duke kërcënuar votuesit që të mos votojnë kandidatët e opozitës, në shkelje të plotë të Kodit Zgjedhor. Ai tha se Rama është gati të bëjë gjithçka për të mbajtur pushtetin.
“Zoti Rama ka shkelur premtimin që dy javë nuk do të ketë fjalime dhe do të kishte vetëm mbjellje pemësh. Pra nuk do të kishte fjalime kandidatësh dhe do të fliste vetëm ai. Në gjithë posterat e fushatës duket sikur kandidon z. Rama dhe jo administratorët e bashkive, është ai që thotë “Kurrë më mbrapa, vetëm përpara”. Ai nuk ka lejuar posterat e askujt, përveç vetes dhe për ta bërë veten si e ardhmja, sipas sloganit, ai bën nga këto palaçollëqet, kërcen tallava nëpër mitingje, që të duket se është trendy, se ka të njëjta shije me të rinjtë etj.
Përtej tallavasë, përtej trendy-t, Rama, kur fillon të flasë seriozisht, tregon atë që po ndërton vetë dhe thotë: Po votuat Rakip Sulin do të katërfishohen fondet e qeverisë, po votuat atë të “zorrës qorre” nuk do të ketë asnjë investim. Joshje dhe kërcënim i pastër, shkelje e Kodit Zgjedhor, që tregon se çfarë bën ky njeri me fondet shtetërore, me taksat e atyre njerëzve që shkojnë atje për të votuar, që i shpërndan siç do vetë, sipas interesave partiake. Të njëjtën gjë bëri në Elbasan.
Kjo fushatë është një shoë politiko-personal dhe Rama politik dhe ai që ëndërron të jetë, janë gjëra të kundërta.
Rama politik është instaluesi dhe mbajtësi i një sistemi monopartiak dhe Rama si person është një njeri që është gati të zhvishet nudo dhe të kërcejë tallava për të mbajtur pushtetin”.
Discussion about this post