Duke komentuar rezultatin paraprak të zgjedhjeve analisti Enton Abilekaj deklaroi në MCN Live se vendi po rrëshqet drejt një autokracie absolute.
Abilekaj tha se jetojmë në një vend ku Rama i cakton të gjitha, dhe s’është çudi që ai të caktojë edhe rezultatin e zgjedhjeve.
Rezultati ka dalë, e ka nxjerrë z.Rama, është exit poll-i më i saktë sot. 50 bashki të paktën do t’i marrë PS dhe me diskutim do jenë 11 të tjera. Unë e besoj sepse kjo ka dalë në 2021 dhe besoj do dali edhe këtë herë, me një gabim 2 ose 3 bashki. Me tre rezultatet e para që kanë dalë, ka dalë ajo që ka thënë z.Rama. Ne jetojmë në një vend ku Rama i cakton të gjitha dhe rezultatin e zgjedhjeve s’është çudi ta caktojë z.Rama dhe është normale fare. Ai emëroi opozitën, caktoi kryetarin e Bashkë Fitojmë, vulën, numëruesit, dhe tani po cakton edhe rezultatin.
Ne nuk e gjejmë dot problemin për sa kohë s’kemi zgjedhje të lira. Ne shohim atë që iu vodh lopë. Nuk shohin që ne po rrëshqasim në autokraci absolute. Ne kemi një njeri që nga 2017-ta deri më sot nuk ka bërë një palë zgjedhje të rregullta. Teknologjia në shumicën e pikave të votimit nuk punonte. Vetëm kjo u lejon votuesve të votojnë disa herë. A bën zgjedhje ky njeri apo jo? Se ky hyri në grevë urie për zgjedhjet”.
Abilekaj tha se vjedhja e votave nuk mund të justifikohet sado që dikush mund ta urrejë Sali Berishën dhe Ilir Metën.
Discussion about this post