Drejtuesi politik i PD-së për Tiranën Belind Këlliçi ka publikuar disa fatura të tregtarëve të cilët kanë ngritur shqetësimin për dyfishimin e taksave për tezgat te Pazari i Ri.
Këlliçi thotë se ky dyfishim i menjëhershëm ka sjellë shqetësimin e tregtarëve të thjeshtë, të cilët mezi sigurojnë bukën e gojës, por edhe dilemën e tyre: për t’i mbyllur tezgat, apo për të vazhduar të zhvaten nga kjo qeveri e pashpirt.
Ai thekson se ky është një presion jo vetëm teorik i qeverisë së babëzitur e cila kalon çdo përcaktim logjik.
Reagimi i plote
ABSURDI I DYFISHIMIT TË TAKSËS PËR TEZGAT E PAZARIT TË RI!
Nuk është vetëm teorik presioni i Edi Ramës dhe i qeverisë së tij të babëzitur, kur thotë se janë hakmarrës. Ata janë akoma më të këqinj, më të ligj, e tejkalojnë çdo përcaktim logjik!
Një nga qindra rastet që e shpjegon këtë, është dyfishimi i taksës së tezgave për bizneset e vogla tek Pazari i Ri.
Ky dyfishim i menjëhershëm ka sjellë shqetësimin e tregtarëve të thjeshtë, të cilët mezi sigurojnë bukën e gojës, por edhe dilemën e tyre: për t’i mbyllur tezgat, apo për të vazhduar të zhvaten nga kjo qeveri e pashpirt.
Më poshtë janë faturat, ku shihet qartë që deri para pak kohësh, të njëjtët tregtar, në të njëjtën hapësirë, në të njëjtin vend, paguanin 2550 lekë, dhe tani, krejt papritmas iu kërkohet për të njëjtën gjë dyfishi i këtyre parave.
Përse?!
Discussion about this post