14 persona janë vënë në pranga në Tiranë, për vepra të ndryshme penale. Sipas të dhënave është arrestuar G. G., 41 vjeç, me profesion inxhinier drejtues teknik, M. N., 32 vjeç, me profesion inxhinier përgjegjës për sigurinë dhe M. D., 33 vjeç, nënkontraktor në një firmë, për veprën penale “Shkelja e rregullave të mbrojtjes në punë”, pasi në firmën ku ata punojnë , ka rënë nga lartësia dhe si pasojë ka humbur jetën, punëtori shtetasi E. O., 36 vjeç.
Ndërsa 3 persona të tjerë të moshës 55-vjeç janë vënë në pranga pasi i kanë cenuar pronën private një personit tjetër, për arsye që ende nuk dihen. Burimet bëjnë me dije se është arrestuar në flagrancë një 34-vjeçar pasi transportonte lënë narkotike. Gjatë kontrolleve rutinë, policia ka gjetur kokainë në makinën e tij dhe e ka shoqëruar menjëherë për në komisariat.
Ndërkohë, 6 të rinj janë vënë në pranga pasi drejtonin automjetet në gjendje të dehur, ndërsa evidentohet se një 32-vjeçar ka aksidentuar një shtetase të mitur 7 vjeçe dhe më pas është larguar nga vendi i ngjarjes. Policia ka bërë identifikimin dhe e ka arrestuar.
Discussion about this post