Policia e Durrësit ka arrestuar në flagrancë 4 persona dhe ka proceduar penalisht një tjetër.
Një 18-vjeçarë me inicialte F. B., 18 vjeç, banues në Gramsh, është arrestuar dhe u procedua penalisht një 19-vjeçar me inicilet F. B., banues në Lushnjë, pasi gjatë kontrollit fizik dhe në ambientin ku qëndronin, iu gjetën dhe iu sekuestruan një sasi lëndë narkotike e dyshuar cannabis sativa, një sasi lënde e dyshuar narkotike kokainë, 1 grirëse lënde narkotike, një sasi farash të dyshuara narkotike cannabis sativa dhe një dorezë metalike.
Gjithashtu u arrestuan në flagrancë për veprën penale “dhuna në familje”, një 39-vjeçar me inicialet V. Xh., banues në Durrës, pasi ka ushtruar dhunë fizike dhe psikologjike ndaj bashkëjetueses së tij.
Ndërkohë nga specialistët për Hetimin e Krimit u bë kapja dhe ndalimi i 50-vjeçarit me inicialet F. B., banues në Durrës, i shpallur në kërkim, pasi dyshohet se ka kryer marrëdhënie seksuale me mbesën e tij 27 vjeçe, kundër dëshirës së saj.
Policia Rrugore ka arrestuar në flagrancë një 34-vjeçar me inicialet A. K., banues në Peqin, pasi është kapur nga shërbimet e Policisë, duke drejtuar automjetin në gjendje të dehur.
Materialet kaluan në Prokurorinë e Rrethit Gjyqësor Durrës, për veprime të mëtejshme.
Discussion about this post