SPAK regjistron procedim penal për Autoritetin Rrugor Shqiptar dhe nis hetimin për shkelje të barazisë në tendera dhe abuzime me tenderat për mirëmbajtjen e sistemeve të këtij institucioni.
Gjithashtu, Prokuroria e Posaçme po heton edhe rolin e drejtuesit të ARRSH-së, Evis Berberi.
Hetuesit e BKH kanë mësyrë në mënyrë të befasishme në banesën e drejtorit të Autoritetit Rrugor Shqiptar Evis Berberi këtë të martë. Burime konfidenciale i thanë Kapitali.al se gjatë kontrollit në banesë, zotit Berberi i janë gjetur një sasi e konsiderueshme parash cash.
Burimet thonë se bëhet fjalë për një shumë mbi 50 mijë euro. Ndonese gjetja e parave cash në vetvete nuk përbën automatikisht vepër penale, ky fakt rëndon pozitat e kreut të ARRSH në hetim, pasi zoti Berberi duhet të justifikojë origjinën e parave.
Por paratë nuk janë problemi i vetem i kreut te ARRSH, me sa duket. Veç kontrollit në banesë, hetuesit e BKH kanë sekuestruar edhe telefonin e ish ortakut të tij, Valter Begaj, me të cilin kreu i ARRSH-së ka patur marrëdhënie të ngushta financiare, jo vetëm në pozita private.
Discussion about this post