Abuzime me tenderat, SPAK “zbarkon” në Bashkinë e Vlorës

Prokuroria e Posaçme SPAK ka “zbarkuar” në Bashkinë e Vlorës.

Sipas raportimeve, SPAK ka qenë në Bashkinë e Vlorës që prej ditës së djeshme, ku ka kërkuar t’i vihen në dispozicion dosjet të cilat kanë lidhje me projekte të Ujësjellës-Kanalizimeve.

Nga informacionet bëhet fjalë për projektin e Linjës nga stacioni i pompimit- Depo.

Projekt me vlerën 6 miliardë lekë nga ku dyshohet se është abuzuar me 2.3 miliardë lekë duke zëvendësuar cilësinë e tubave nga plastik në gizë.

Një tjetër projekt që po hetohet është edhe ai i ujësjellësit të lagjes “Partizani” me vlerë 2 milionë euro si dhe sistemi i kanalizimeve në Lagjen “24 maj” me vlerë 3 milionë euro. 

Burimet thonë se në hetim janë disa punonjës të Bashkisë dhe të UK Vlorë, përfshirë edhe drejtuesit e institucioneve.