“Abuzime miliona euro”/ Meta akuzon Ramën dhe ERE: Nuk ekziston shteti i së drejtës

Kreu i Partisë së Lirisë Ilir Meta ka folur për krizën energjitike në Shqipëri, vendimet e qeverisë dhe ERE për anulimin e rritjes së çmimit në fashën mbi 800 KW.

I ftuar në “A Show”, ish-presidenti u shpreh se shteti i së drejtës nuk ekziston.

“Vendimet e fundit që merr ERE dhe ato që shfuqizon dhe provokon dhe shantazhon kryeministri, tregon se nuk ekziston shteti i së drejtës.

Bëhet lojë me qindra miliona euro, lojë me falimentimin e bizneseve apo familjeve, për dështimet në 10 vite të qeverisë në të gjithë sektorët, dhe sidomos atë energjetik.”-tha Meta.