Shpesh herë linjat e transportit interurban në vend abuzojnë me biletat dhe çmimin e tyre. Për të fshehur të ardhurat ata shpesh herë nuk japin bileta, ose përdorin një biletë shumë herë. Për këto dhe shumë arsye të tjera qeveria ka miratuar sot një VKM, përmes të cilës ka përcaktuar kriteret e reja për lëshimin e biletë së transportit. Në këtë VKM thuhet se biletat do jenë me vulë elektronike dhe mundësi gjenerimi. Më tutje thuhet se domosdoshmërish çdo biletë duhet të përmbajë çmimin për km, datën dhe kohën e nisjes, numrin e serisë dhe shumë të dhëna të tjera.
“Biletat e transportit në shërbimin qytetas, rrethqytetas, ndërkombëtar rrugor të udhëtarëve mund të jenë me çmim të parashtypur, në format letër ose elektronik, me vulë elektronike, me mundësi gjenerimi në të njëjtën formë që mundësohet edhe në transportin ndërqytetas.
Biletat e transportit të udhëtarëve përmbajnë, në çdo rast: a) gjatësinë e udhëtimit në km; b) çmimin për km; c) numrin e serisë; ç) emrin e operatorit të transportit; d) datën dhe kohën e nisjees; dh) pjesën e biletës (dëshminë/etiketën) për bagazhin e udhëtarit; e) të dhëna për faturën fiskale; ë) vulën elektronike”, thuhet në vendim.
Në përfundim thuhet se, tërheqja e biletave për transportin rrugor, qytetas dhe rrethqytetas të udhëtarëve mund të realizohet edhe nga njësitë e vetëqeverisjes vendore.
Discussion about this post