Është shtyrë për në 7 gusht ora 13:00 seanca në Apelin e GJKKO-së, ku po shqyrtohej kërkesa për ndryshimin e masës së sigurisë e bërë nga ish-ministri i Shëndetësisë, Ilir Beqaj dhe 6 akuzuarit e tjerë që akuzohen për abuzimet me fondet e SASPAC.
Beqaj kërkoi ndryshim të masës së sigurisë, nga arrest në burg në arrest shtëpie, me garanci pasurore pesë milionë lekë të reja.
Kujtojmë që ish-ministri i Shëndetësisë ndodhet në burg pas arrestimit me kërkesë të SPAK-ut më 4 korrik.
Beqaj dhe 6 të tjerët akuzohen nga SPAK për korrupsion, mashtrim, fshehje pasurie dhe shkelje të barazisë në tendera.
Discussion about this post