Detaje të reja janë publikuar nga skandali seksual në Sarandë, ku dy punonjës policisë abuzonin seksualisht dhe shfrytëzonin për prostitucion të miturën 13-vjeçare.
Efektivi i policisë, 63-vjeçari Petraq Rako është arrestuar në flagrancë, teksa kryente marrëdhënie seksuale me 13-vjeçaren, e cila shfrytëzohej për qëllim përfitimi nga punonjësi tjetër i policisë, Stefan Koloi 62-vjeç.
Kur policia ndërhyri në lokalin e Koloit, aty u gjet vetëm një vajzë, por mësohet se aty janë shfrytëzuar edhe disa vajza të tjera, mes të cilave edhe të mitura.
Të gjitha viktimat e kësaj veprimtarie, mësohet se vijnë nga familja te varfra dhe me probleme të theksuara sociale.
Kryeinspektori Petraq Rako, 63 vjeç, sipas hetimit luante rolin e transportuesit të vajzave. E mitura 13 vjeçare sëbashku me një bashkëmoshataren e saj, sipas burimeve merreshin nga kryeinspektori çdo pasdite në orën 16:00 dhe silleshin në shtëpi pas orës 22:00.
Aktualisht policia po vijon punën për identifikim e personave të tjerë të përfshirë në këtë veprimtari, ndërsa dy punonjësit e policisë janë prapa hekurave.
Discussion about this post