Tenderi 2.8 miliardë lekë i uniformave të policisë ka bërë që hetimet e Prokurorisë së Posaçme Kundër Korrupsionit dhe Krimit të Organizuar të drejtohen për tek Komisioni i Prokurimit Publik. Syri.net shkruan se ky institucion është ai që e thotë fjalën e fundit për parregullsitë apo jo të një tenderi.
Dhe, ka qenë pikërisht ky institucion, ai që ka dhënë dritën jeshile për tënderin 2.8 miliardë lekë për të cilin u arrestuan nëntë zyrtarë dhe ish zyrtarë të Ministrisë së Brendshme, tetë prej të cilëve janë lënë në “arrest me burg”. Në krye të këtij Komisioni është Jonaid Myzyri, i cili sipas Syri.net njihet si ‘xhuxhi’ i kryeministrit Edi Rama tek Prokurimet Publike. Nuk dihet nëse zyrtarisht ka nisur ndonjë hetim për Myzyrin apo do të nisë, përsa i përket përfshirjes së tij në këtë tender.1 / 2
Jonaid Myzyri, kreu i Komisionit të Prokurimit Publik
Operacioni i SPAK u zhvillua më 10 korrik të këtij viti dhe prangosi 9 zyrtarë e ish-zyrtarë të Ministrisë së Brendshme. SPAK i akuzon 9 zyrtarët bashkëpunim me njëri-tjetrin dhe me titullarin e Organit Qendror Blerës, Edlira Naqellari, i kanë sjellë avantazhe dhe privilegje të padrejta në kualifikimin e operatorit fitues në këtë procedurë prokurimi.
Në burg janë lënë tetë prej tyre: Edlira Naqellari, ish-drejtoresha e Blerjeve të Përqëndruara në MPB; Flutura Çekrezi, zyrtare pranë Agjencisë së Blerjeve të Përqëndruara; Fatmir Demneri, anëtar i KVO;Mariglen Buzali, anëtar i KVO; Kreshnik Bejkaj, anëtar i KVO; Ani Omuri, anëtar i KVO; Gëzim Mingaj, anëtar i KVO. Ndërsa në arrest shtëpie është lënë Anisa Bogdani, anëtare e KVO.
