Dogana e Kosovës ka dal me një sqarim lidhur me ngritjen e çmimit të vajit ditën e djeshme në marketet në Kosovë, e ku një litër u shit 3.49 cent.
Nga Dogana e Kosovës kanë konfirmuar se për periudhën janar-shkurt dhe një pjesë të marsit në Kosovë janë importuar 3.3 milion litra vaj luledielli dhe 1.4 milion litra vaj luledielli i papërpunuar.
Nga Dogana raportohet se vajrat ushqimore në import kanë variuar në çmim gjatë vitit këtyre dy muajve nga 1.22 euro deri në 1.45 euro.
Ata kanë paralajmëruar se do të vazhdojë kontrollet për keqpërdorim së bashku me autoritet e tjera.
Në njoftimin e plotë bëhet me dije se, pas ngritjes së çmimeve dhe shqetësimeve të qytetarëve dogana ka analizuar sektorin e importit të vajrave ushqimore dhe si në vijim njofton publikun lidhur me analizat e çmimeve të importit.
Gjatë vitit 2021 në total janë importuar vaj luledielli i përpunuar rreth 17.7 milion litra vaj derisa janë importuar edhe 5 milion litra vaj luledielli i papërpunuar. Vajrat uqshimore në import kanë variuar në çmim gjatë vitit 2021 duke filluar 1.11 euroi në janar të 2021 e ka shënuar rritje ne 1.44 euroi në dhjetor të vitit 2021, derisa taksat që paguan një litër vaj në import është TVSH-ja e reduktuar 8%.
Derisa vajrat e papërpunuara nuk paguajnë asnjë taksë pasi konsiderohen lëndë e parë për prodhim.
Në vitin 2022 (periudha Janar -Shkurt dhe një pjesë e marsit) në Kosovë janë importuar 3.3 milion litra vaj luledielli i përpunuar dhe 1.4 milion litra vaj luledielli i papërpunuar. Vajrat uqshimore në import kanë variuar në çmim gjatë vitit këtyre dy muajve nga 1.22 euro deri në 1.45 euro.
Dogana e Kosovës në bashkëpunim me autoritetet kompetente do të vazhdojë të ushtroj kontrolle në kuadër të realizimit të detyrave dhe përgjegjësive të saj, me qëllimin e vetëm parandalimin e veprimtarive ilegale në të gjithë territorin e Republikës së Kosovës. Dogana e Kosovës fton qytetarët të njoftojnë secilin rast të sjelljes jo etike të zyrtarëve doganor në numrin e telefonit 080050095.
Discussion about this post