SPAK ka shpallur moskompetencë në lidhje me hetimin për zyrtarët dhe disa qytetarë të përfshirë në skemën e abuzimit në Kadastrën e Tiranës.
Sipas gazetares së Top Channel, Anila Hoxha, pas shpalljes së moskopetencës, tashmë dosja i ka kaluar gjykatës së Tiranës, për të dhënë verdiktin ndaj 17 personave të akuzuar për këtë skemë abuzive.
Prokuroria e Posaçme shpalli moskompetencë për këtë dosje me argumentin se personat e përfshirë nuk janë zyrtarë të lartë. Tashmë hetimet për shtetasit Gazmend Canaj; Admir Burri; Neritan Bablusha; Panol At-Nikolla etj, do kryhen nga Prokuroria e Tiranës.
Një vit më parë SPAk finalizoi operacionin pas disa muaj hetimesh, duke dërguar pas hekurave sekserë dhe zyrtarë të Kadastrës. Në atë kohë, në dosjen e SPAK thuhet se përmes ndikimit të paligjshëm ndërhynin për praktika të ndryshme për marrjes e certifikatave të pronësisë.
Zyrtarët në përgjimet e SPAK rezultonte se ishin të përfshirë në këtë skemë abuzive, për nxjerrjen e dokumenteve për qytetarë të ndryshëm, që u zvarriteshin procedurat për shkak të burokracisë. Nga dosja thuhej se zvarritjet bëheshin me qëllim marrjen e rryshfetit./ Top Channel
Discussion about this post