Autori i abuzimit seksual dhe vrasjes së Mateo Vasiut, Klodian Çalamani ka deklaruar se është i sëmurë. Për këtë arsye, ai nuk është paraqitur në seancën e sotme gjyqësore. Agresori duhet të përballej me togat e zeza dhe familjarët e 8-vjeçarit të ndjerë. Çalamani, i akuzuar për kryerjen e veprave penale “Vrasje në rrethana të tjera cilësuese ndaj të miturit” Po ashtu akuzohet për “Marrëdhënie seksuale ose homoseksuale me dhunë me të mitur”. Nga kjo ngjarje mbeti viktimë 8-vjeçari Mateo Vasiu, nuk është paraqitur sërish në gjykatën e Fierit.
Burime pranë gjykatës së Fierit kanë bërë me dije se i pandehuri ka paraqitur një deklaratë përmes së cilës deklaronte se nuk paraqitej dot për arsye shëndetësore. Ndërkohë në seancë janë paraqitur prindërit e 8-vjeçarit të ndjerë Mateo Vasiu si dhe halla e tij. Ata kanë qëndruar brenda sallës së gjyqit vetëm pak minuta. Togat e zeza i kanë bërë me dije se seanca e radhës do të jetë në datë 21 nëntor, në mesditë.Lexo edhe: Masakroi 8-vjeçarin/ Shtyhet për herë të dytë çështja ndaj Çalamanit
Klodian Çalamani nuk është paraqitur në asnjë prej seancave gjyqësore në ngarkim të tij. Prandaj, gjykata ka vendosur shoqërimin e tij me forcë në seancën e radhës.
Kallëzimi
Kujtojmë se nga hetimet rezultoi e provuar se në datën 16.11.2021 babai i Mateo Vasiut, ka bërë kallëzim penal rreth orës 14:58 pasi është njoftuar në telefon nga bashkëshortja se djali i mitur nuk ka ardhur në banesë dhe nuk dihej vendndodhja e tij, duke dhënë dhe karakteristikat e fëmijës dhe veshjen e tij. Menjëherë pasi është marrë kallëzimi penal Nr.1262, shërbimet e Komisariatit të Policisë Fier, kanë shkuar në fshatin Grecalli, ku kanë kryer verifikime dhe kontroll territori.
Fillimisht është bërë identifikimi i biçikletës që përdorte viktima. Nga hetimi ka rezultuar se një të tillë e dispononte i dyshuari Klodian Çalamani banor i këtij fshati. Ai e kishte banesën rreth 100m larg banesës së të miturit. Gjatë kontrollit të banesës është dalluar një pjesë toke e punuar. Pas gërmimit aty u gjet trupi pa jetë i viktimës. Në këto kushte, është bërë prangosja dhe shoqërimi i të dyshuarit Klodian Çalamani.
Grupi hetimor bëri analizë të të gjitha provave të grumbulluara. Nga hetimi rezulton e provuar se i pandehuri, para se të kryente veprën penale të “Vrasjes në rrethana cilësuese ndaj të miturit” të parashikuar nga neni 79 germa “a”, ka konsumuar fillimisht veprën penale të “Marrëdhënies seksuale ose homoseksuale me të mitur me dhunë, të parashikuar nga neni 100/2 i K.Penal. Pas kryerjes së aktit homoseksual me dhunë ndaj të miturit, i pandehuri Klodian Çalamani, ka kryer vrasjen me sende të forta, kazmë e lopata.
Discussion about this post