Nuk kanë të sosur skandalet e abuzimit seksual të priftërinjëve me fëmijë të mitur. Një ish prift katolik në Londër, është dënuar me 31 muaj burg për një sërë abuzime seksuale me djemë të mitur që datojnë që në vitin 1970.
James Murphy, 77 vjeç, i kreu sulmet ndërsa ishte vendosur në kisha në të gjithë Londrën jugore , duke përfshirë Sydenham, New Addington dhe South Croydon.
Kleriku u burgos në vitin 2000 pasi pranoi se kishte abuzuar me 4 djem në jug të Londrës midis viteve 1975 dhe 1988, të cilët ishin të moshës 5 deri 11 vjeç.
Murphy u hetua përsëri në vitin 2019 pasi një tjetër viktimë doli në dritë. Murphy e pranoi fajin kur u përball me provat, por mohoi pretendimet e mëtejshme në lidhje me një nga viktimat.
Ajo çka e bënë dhe më të rëndë këtë çeshtje është që Kisha ka qenë në dijeni të abuzimeve që në fillim, kur një djalë 10 vjeç e akuzoi prifitin. Por ata për të mbuluar skandalin ‘dhunuan psikologjikishtë dhe emocionaliosht’ të miturin.
Në deklaratën e tij, viktima tha se për herë të parë ai i tregoi të ëmës për atë çfarë kishte ndodhur, dhe kur u përballën me Kishën ata e çuan atë në një “dhomë të madhe” përballë autoriteteve të kishës.
Ai tha se ata i bënë presion që të takonte Murphy dhe ta falte, duke i premtuar se Murphy do të zhvendosej në një famulli tjetër.
Viktima ndër të tjera dëshmon se autoriteti i Kishës i kishte thënë se nëse vijoj me pretendimet, “të gjithë do ta merrnin vesh turpin tim. Për shkak se isha shumë i ri, nuk e dija që falja nuk ishte gjëja e duhur për të bërë,” tha ai.
“Unë kurrë nuk e kam falur dhe nuk do ta fal atë njeri. Megjithatë, kjo është barra e tij për të mbajtur, jo e imja.”
Discussion about this post